Binanggit sa aming klase ni Dr. Isagani Cruz na nararapat daw na magkaroon ang isang manunulat ng tinatawag na writer's blog. Isang blog na lilikha ng isang imahe ng isang manunulat na malayo sa kung ano siya sa personal na buhay.Pinaliwanag niya na kadalasan ang akda ng isang tagapaglikha ay kaiba sa kung ano ang kanyang tunay na pagkatao.
Ngunit para sa akin iba-iba man ang mukha ng mga katauhan o mga imaheng aking binuo nananatiling iisa ang kanilang puso. Pusong nagmumula sa nag-iisang Diosa Engkantada.
Mula sa araw na ito ay masisilayan ng mga mambabasa ang aking iba't-ibang akda maging ang mga proseso ng aking panulat.
Maasahang may iba't-ibang tema, karakter at kaisipan ang aking ilalahad ngunit sa bawat akda'y masasalamin ang tunay na personalidad at kabuuan ng may likha.
0 comments:
Post a Comment