Pagtuklas sa Hiwaga ng Isang Engkantada

Ang pahinang ito'y iginugugol ko sa aking patuloy na pagtuklas sa hiwaga ng aking iba't-ibang katauhan. Katauhang nababalot ng hiwaga at imahinasyon. Katauhang magbibigay ng buhay sa patak ng tinta at sa wangis ng isang papel.

Ang bawat akdang mailalathala rito Ingles man o nasusulat sa Filipino ay mula sa rurok ng puso ng isang makata, ng isang manlilikha at ng isang engkantadang nabubuhay sa bawat indayog ng ritmo at kumpas ng mga salitang napupuno ng misteryo at kagandahan.

Dito ay matatagpuan ang pag-iisa ng mundo ng isang diyosa at ng isang engkantada.

Dito ay magpapalukob ang katotohanan sa imahinasyon.

Dito ang bawat sakit, pait at wakas ay simula ng buhay ng isang maningning na literatura.